Samtök kaupmanna og fasteignaeigenda við Laugaveg hafa síðustu daga fært öllum kaupmönnum við Laugaveg strákústa að gjöf. Samtök kaupmanna við götuna vilja með þessu ganga fram með góðu fordæmi og hvetja borgaryfirvöld til að bæta viðhald og aðra umhirðu í miðbænum.
Í bréfi sem fylgdi strákústunum voru kaupmennirnir hvattir til að sýna gott fordæmi í umhirðu borgarinnar. Það sé til mikils að vinna að fegra borgina og endurvekja gamla slagorðið „hrein torg – fögur borg“.
Snyrtilegra umhverfi eykur lífsgæði okkar allra.
Gunnar Guðjónsson, formaður Samtaka kaupmanna við Laugaveg, og Björn Jón Bragason, framkvæmdastjóri Samtakanna, með hluta kústanna.
