Óskar Bergsson flytur framsögu á fundinum.
Samtök kaupmanna og fasteignaeigenda við Laugaveg gengust fyrir opnum fundi á Sólon í hádeginu 13. mars síðastliðinn undir yfirskriftinni „Framtíð verslunar í miðbænum“. Allir flokkar sem bjóða fram til borgarstjórnar áttu sinn fulltrúa á fundinum. Fundurinn var vel sóttur, en fundarmenn voru ríflega fimmtíu talsins og spunnust líflegar umræður að loknum framsögum stjórnmálamannanna.
Fundarstjóri var Björn Jón Bragason, frkvstj. Samtakanna.
Kaupmenn fundu að því að skort hefði á í framsögum að þeirri spurningu væri svarað hver framtíð verslunar í miðbænum væri, en megininntakið í fyrirspurnum kaupmanna var að það skorti mjög á samráð og samráð væri ekki fólgið í því tilkynna kaupmönnum með nokkurra vikna fyrirvara að til stæði að ráðast í mjög umfangsmiklar framkvæmdir, líkt og raunin var með Hverfisgötu. Samráð feli í sér að kaupmenn séu spurðir álits og hafðir með í ráðum allt frá byrjun þegar ákvarðanir eru teknar er varða málefni miðbæjarins.
Fundurinn var fjölsóttur og spunnust líflegar umræður.
Verslun er grunnatvinnugreinin í öllum blómlegum miðbæjum. Önnur þjónusta fylgir. Því skiptir meginmáli að huga að öllu því sem orðið getur til að efla verslun í miðbænum.
